Páskar í Istanbúl!

Eftir hrikalegt menningar sjokk á ferðalagi mínu um Istanbúl ákvað ég að byrja blogg!

Við Bergdís skelltum okkur semsagt til Istanbúl yfir páskahelgina með Önnu Guðrúnu og vinum hennar! Nema hvað að það fyrsta sem við lendum í er það að vegabréfið mitt er ekki gilt í nógu langan tíma fyrir mig til að fara til Istanbúl, svo við tók þvílík bið við check-in-ið þar sem ég hafði ekki hugmynd um hvort ég kæmist með í ferðina eða ekki! En það reddaðist allt gegn því að ég færi í eitthvað immigration dæmi þegar ég kæmi á flugvöllin í Istanbúl og borgaði 150 evrur fyrir einhvern vísa, en við þurftum að hlaupa í gegnum security-ið og allan flugvöllinn til að vera vissar um að ná flugvélinni haha!

Fyrsta sem við gerðum eftir að við komum á hostelið var að fara út að rölta eftir einhverju að borða! Þá kom fyrsta menningarsjokkið! Þegar við vorum að labba eina götuna þá kemur strákur svona 5 ára hlaupandi fram hjá okkur (klukkan var rétt eftir miðnætti) og setur út hendina til að biðja um pening! Ég vissi ekkert hvað ég átti að gera svo ég gerði ekki neitt, nema hvað þá horfir hann á mig i smá stund og öskrar svo hrikalega á mig og hleypur í burtu! Ég vissi ekki hvaðan á mig stóð veðrið og var í þvílíku sjokki eftir á! Þetta er hrikalega sorglegt! Sérstaklega þar sem þessi börn eru að betla peninga og fara svo með þá til einhverra annarra sem þeir eru að betla fyrir! Einnig þá sló það mig virkilega að sjá alla þessa heimilislausu hunda og ketti! Alveg allt morandi í þessu, svo sorglegt!

Morguninn eftir þá fórum við af stað að skoða The blue mosque! Hún var hrikalega flott en það sem mér fannst virkilega furðulegt var það hvað gólfið þar inni var hrikalega kalt þegar fólkið sem fer að biðja þarf að fara úr skónum og svo biðja á ísköldu gólfinu! Þennan dag smakkaði ég einnig fiskikebab sem var alveg rosalega furðulegur en samt sem áður alveg fínn! Held samt ég fái mér aldrei svoleiðis aftur haha! Einnig þá fórum við í búð sem seldi tyrkneskt sælgæti sem heitir Turkish Delight! Mjög gott ef þú færð þér réttu tegundina!! Skemmtilegasta við það er það að þeir leyfa manni að smakka endalaust!

 

Um kvöldið þá fórum við út að borða á veitingastað sem er staðsettur úti í ánni og við þurftum að fara í bát til að komast þangað! Þar fengum við okkur alvöru kebab þar sem að sá kebab sem við þekkjum á Íslandi er í rauninni ekki alvöru kebab. Tók reyndar enga mynd af honum en var virkilega gott! Anna og Amy ákváðu að vera laumufarþegar í brúðkaupi og redduðu sér fríum drykkjum þrátt fyrir óvirðulegan klæðnað í brúðkaupi! Það kom svo á annan daginn að þetta var enskumælandi fólk sem var með brúðkaupið og það var mikið hlegið af því! Eftir það fórum við á rosa fínan skemmtistað sem við héldum að við myndum aldrei komast inná en Anna reddaði þessu öllu saman hvernig sem hún fór að því haha! Og við skemmtum okkur hrikalega vel þar þó svo að nær enginn hafi munað eftir Uber-bílferðinni heim!

Sunnudagurinn fór því í þynnkurölt þar sem okkur tókst að missa af opnunartíma Hagia Sofia (önnur moskva eða kirkja sem er beint á móti the Blue Mosque) og svo tókst okkur einnig að missa af opnunartíma turnsins þar sem við hefðum getað horft yfir nær alla borgina! Fórum þó á einn markað þar sem var alveg klikkað mikið af fólki og fáránlega auðvelt að týnast ef maður myndi gleyma sér í eins og eina sekúndu! Fórum svo á kaffihús þar sem við fengum okkur egg sem voru síðan alveg sjúklega hrá að við vildum ekki borða þau!

Á mánudeginum fórum við síðan að skoða the Palace, sem við vorum svo öll frekar svekkt þar sem við bjuggumst við meira, en þetta var flott engu að síður! Fórum síðan á Grand Bazar (sem er risastór markaður) þar sem við vissum ekki einu sinni hvernig við kæmumst út úr honum nema fara sömu leið til baka hahaha! Okkur var sagt að þar sem við værum svo augljóslega ferðalangar að þá ættum við helst ekki að versla neitt þarna þar sem þeir myndu reyna að rukka okkur alveg miklu meira en virði varanna! Um kvöldið fengum við okkur svo smá í glas og ákváðum að kíkja út og prufa að reykja hookah, þar sem ég hafði aldrei prufað það og Tyrkland er allt morandi í þessu! Mér fannst það hinsvegast ekkert gott en kannski var það bara jarðaberjabragðið sem heillaði mig ekki, hefðum átt að velja eitthvað annað!

Svo á þriðjudeginum þegar við Bergdís vorum að fara heim þá tókst okkur að fara í vitlausa rútu og enduðum á vitlausum flugvelli! Enduðum með að borga 300 lírur fyrir að komast yfir á hinn flugvöllinn sem var btw 70 kílómetrum í burtu + klikkuðu umferðinni í Istanbúl! Gaurinn hjá skutlþjónustunni á flugvellinum keyrði eins og vitleysingur og við vorum ekki viss um að við myndum lifa bílferðina af, þar að auki þá rataði hann ekki og tók vitlausa beygju og varð að stoppa og spurja trukkabílstjóra vegar, svo ég tel það vera þvílíka lukku að við höfum náð fluginu aftur heim til Mílanó!!

Annars þá var bara borðaður kebab í öll mál þessa ferðina hahahah!